شریک سازید:
هیأتی به رهبری عطاءالله عمری، سرپرست وزارت زراعت، از سوی حکومت سرپرست افغانستان در کنفرانس اقتصادی ۲۰۲۵ روسیه که در شهر سنت‌پترزبورگ برگزار شده، اشتراک کرده است.
این هیأت متشکل از مقامات ارشد وزارت‌های زراعت، اقتصاد، صنعت و تجارت، نمایندگان اتاق تجارت و شماری از تاجران افغان می‌باشد.
این کنفرانس بین‌المللی از تاریخ ۱۸ تا ۲۱ جون با حضور نمایندگانی از بیش از ۱۴۰ کشور برگزار گردیده و موضوعاتی چون اقتصاد، زراعت، محیط زیست، سرمایه‌گذاری و تجارت را در بر می‌گیرد.
وزارت زراعت گفته است که اشتراک فعال حکومت سرپرست افغانستان در این نشست، فرصتی برای معرفی ظرفیت‌های اقتصادی کشور و جلب همکاری‌های جهانی در بخش‌های مختلف محسوب می‌شود.
